برنس العراق عضو نشيط  معلوماتاضافية
عدد المساهمات : 88 الجنس :  العمر : 33 تاريخ التسجيل : 06/09/2010  | | موضوع: يا حسراه عليك يا الدنيا شعر ملحون من التراث الجزائري الأحد سبتمبر 12, 2010 7:05 pm | |
| يا حسراه عليك يا الدنيا
فيك حكاية وحكايات
سامريني وقعدي حدايا
واحكيهم لي بثبات
علاش هكذا حاقدة وسمية
ظلي تبدلي في الصفات
تعذبي فيا غير بشوية
عييت من عذابك براكات
تلعبي بيا والا معايا
جاوبيني علاش هاذ السكات
قالوا لي عليك مسرحية
وانا المسرح سكن لي في الذات
التذكيرة خلصتها غالية
ديت معايا شي وردات
دخلت للقاعة صفقوا علي
طلع ستار والضو طفات
لقيت روحي في تمثيلية
والديكور خوف ودمعات
طمعتيني ودرتي علي
عندي جدي بالصح مات
يا حسراه عليك يا الدنيا
فيك حكاية وحكايات
سامريني وقعدي حدايا
واحكيهم لي بثبات
علاش هكذا حاقدة وسمية
ظلي تبدلي في الصفات
تعذبي فيا غير بشوية
عييت من عذابك براكات
شحال من سلطان كان في دنيا
جيوش الامر وطيعات
مال وعز قصور وسرايا
العسة عليه بالالوفات
غفل غفلة تقلبت الحية
فليلتو ماصاب وين يبات
وكلتي فلان عسل وفاكية
وفلان شمختي لو الفتات
فلان قلعتي لو الذرية
وحياتو من الفرحة خوات
فلان طلق مرتو المسكية
زعف كي جابت لو البنات
يا حسراه عليك يا الدنيا
فيك حكاية وحكايات
سامريني وقعدي حدايا
واحكيهم لي بثبات
علاش هكذا حاقدة وسمية
ظلي تبدلي في الصفات
تعذبي فيا غير بشوية
عييت من عذابك براكات
المسجون يرجى الحرية
بالدقيقة يحسب لوقات
الشهار يحلم بالشهرية
يا حليلو مولا وليدات
كبدة لميمة مشوية
على واش سهرت واش ربات
على وليدها بدل الجنسية
عجبو زين الروميات
خلى يماه وحدانية
من الحرقة والبكا تعمات
باش يبين الرجولية
بعث لها زوج محرمات
يا حسراه عليك يا الدنيا
فيك حكاية وحكايات
سامريني وقعدي حدايا
واحكيهم لي بثبات
علاش هكذا حاقدة وسمية
ظلي تبدلي في الصفات
تعذبي فيا غير بشوية
عييت من عذابك براكات
نهار كانت الدنيا دنيا
الوالدين علقوا لهم شيعات
اليوم الوالدين راهي مرمية
في مراكز الشيخوخات
انتي دنيا يدك زهرية
انا يدي فيها الكيات
مع الواقف درتي جمعية
سماها دخلات وخرجات
القليل بعثتي لو خطية
جا يصلي تلفت لو الصلاة
كي سلم انسى التحية
وكي تحى نسا زوج ركعات
يا حسراه عليك يا الدنيا
فيك حكاية وحكايات
سامريني وقعدي حدايا
واحكيهم لي بثبات
علاش هكذا حاقدة وسمية
ظلي تبدلي في الصفات
تعذبي فيا غير بشوية
عييت من عذابك براكات
المال فاني والعظام
راشية فاتت جناس وتمحات
اللي كان تاقي ودار النية
طاع ربي وشد في الصلاة
درجته في الجنة عالية
صفة الجنة درجات
والشاقي يمضي النهاية
ذاتو بالنار تكسات
جلدة رايحة وجلدة جاية
يظل يبدل في الجلدات
نصيحتي نتركها التالية
باش نختم بيها لبيات
يا حسراه عليك يا الدنيا
فيك حكاية وحكايات
سامريني وقعدي حدايا
واحكيهم لي بثبات
علاش هكذا حاقدة وسمية
ظلي تبدلي في الصفات
تعذبي فيا غير بشوية
عييت من عذابك براكات
دعوة الوالدين رسمية
منهم الشر والخيرات
الهنا كنز والصحة غالية
والباقي كله كذوبات
ياسين ارسلها تحية
وامضى فيها بشي دمعات
بعثها كمال مسعودي برية
قراها قيتار وألات
والصلاة على نور عينيا
سيد الخلق يا سدات
شكون اللي نجا منك يا دنيا
غير اللي طلقك بالثلاث
يا حسراه عليك يا الدنيا
فيك حكاية وحكايات
سامريني وقعدي حدايا
واحكيهم لي بثبات
علاش هكذا حاقدة وسمية
ظلي تبدلي في الصفات
تعذبي فيا غير بشوية
عييت من عذابك براكات
ملاحطة: الكلمات التي لم تفهم يرجى ترجمتها في قوقل
تقبلوا تحياتي : يا حسراه عليك يا الدنيا شعر ملحون من التراث الجزائري الكاتب : برنس العراقالمصدر : منتديات أصحاب كول |
|
LoLy عضو فعال  معلوماتاضافية
عدد المساهمات : 287 الجنس :  تاريخ التسجيل : 21/03/2010 | | موضوع: رد: يا حسراه عليك يا الدنيا شعر ملحون من التراث الجزائري الخميس نوفمبر 11, 2010 11:43 pm | |
| |
|
عضو جديد  معلوماتاضافية
عدد المساهمات : 20 الجنس : العمر : 32 تاريخ التسجيل : 11/08/2011 | | موضوع: رد: يا حسراه عليك يا الدنيا شعر ملحون من التراث الجزائري الجمعة أغسطس 12, 2011 1:25 am | |
| |
|
الرئيسية 
التسجيل 
دخول 
