ايوب مايكرو نائب المدير العام  معلوماتاضافية
عدد المساهمات : 127 الجنس :  العمر : 30 تاريخ التسجيل : 21/07/2011  | | موضوع: ابوذيات عراقيه السبت يوليو 30, 2011 8:08 pm | |
| - كتب:
- السلام عليكم
شلونكم شباب اليوم جبتلكم ابوذيات عراقية للخيانة
اضل انطر خيالك وفطر
غيابك للكلب هدم وفطر
صايم كظيت العمر وفطر
اذا شخصك يمر يا روحي بيه
-----------------------
سل سيفي لوكات الضيج واحد
واحط ثايه لطراف الصبر واحد
وحك الي تعرفه الناس واحد
النوايب ما لونلي ذراع واثنين
ولا شكرن طويل ضناي واثنين
لون واحد الجرح البيك واثنين
دليلي بكل وكت يصرخ ثلاثه
بخميسه وجمعته وسبته وثلاثه
اثنين اعيوني ما صارن ثلاثه
لان افديك من تنقاس بربع
عزيز وذكري الك بالكلب بربع
جمال الناس لو ينقاس بربع
ثلت ارباع ومن الربع خمسه
الك يامن جمالك صاغ خمسه
وحك اليرفع باليوم خمسه
جروحي جاوز جروفه وسته
رغم صبري بمعلمته وسته
سنين ثمانيه وسبعه وسته
بغرامه مفرهد كليبي وسبعه
وبكه بعمري سنين اثنين سبعه
عرفنه ايام كل اسبوع سبعه
تضن بالكون شفنه اسبوع بثمان
وتضن دم الجفن ينباع بثمان
ثمنتك بروحي وشفت بثمان
لان انت بلهيب الشوك تسعه
وجروحي من الزغروياي تسعه
زلم كلنه ترانه ولد تسعه
ولا واحد ملك بالكون عشره
ورخيص الي يبيع برخص عشره
حسن يوسف اله مقياس عشره
وجمالك تسعه منه وتسع ميه
-----------------------
نسيت وتيهت روحي وهم بيك
خويت وضيعت ناسي وهم بيك
وحسافة العمر كضيتة وهم بيك
طلعت جذاب وتلعب علية.....
------------------------
أحب ابلادي ماحبن بلادين
كافر ولنكر دينه بلادين
انه ماامد ايدي بالغربه بلادين
أخاف الغربه تاخذ حتى اديه
----------------------
الوكت تعبني والمصرف والايجار
والغيري الدهر منصف والي جار
الى صاحب ردت ودة والى جار
يواعدني يجي ومامر علية
اتمنى تنال عجابكم
القادم أجمل : ابوذيات عراقيه الكاتب : ايوب مايكروالمصدر : منتديات أصحاب كول |
|
الرئيسية 
التسجيل 
دخول 
